Artigo sobre weblogs

Xa está dispoñible o segundo artigo sobre bitácoras, da revista en liña RED (Revista de Educación a Distancia), segundo informa Octeto.

Josefa Rial Torrado

¿Non sabes quen é?
Pois a gañadora do Cibernós.
Podes consultar a súa vida gracias ó curso de 1º de ESO do IES Vilar Ponte.
¡¡¡Noraboa!!!

CD léxico

Fágome eco dunha nova de culturagalega.org. O instituto de ciencias da educación e o consello da cultura galega presentan un CD de léxico para nenos.

Incorporacións

En Aula21, cos que colaboraramos na creación de xeradores en liña para Cazas de tesouros e máis Webquest, puxeron a andar unha bitácora.

Recollo deles un webquest sobre bitácoras.

Acompañaa a bitácora do aula onde están os alumnos de Francisco.

Fonte eCuaderno

Resultados

En extremadura están a probar a nova filosofía, resultado da aplicación do software libre na educación. E estes son os resultados.
Máis información no portal extremeño de educación.

Fonte Juantomás García

Usando bitácoras e sindicación na educación

Apúntame caladinha, unha bitácora interesante na lingua de Shakespeare... Weblogg-ed.

Xa non penso falar máis das bondades das bitácoras e da sindicación na educación, algúns exemplos temos vistos... ademáis é cuestión de tempo, xa non hai volta atrás!!!

O máis novo do blogmillo

Salvo indicación contraria o máis novo do blogmillo botou a andar.

Chámase Dani, ten 8 anos e todas as súas aventuras están en Cousas de crianças.

Benvido!

Todo ten un final...

...e Ciberlingua, fai un punto e aparte.

Hoxe rematan os obradoiros de Ciberlingua para este curso 2003-2004. Dende aquí quero agradecer a todos os asistentes a súa participación, que agardo aproveiten e nos sorprenda próximamente. E ós monitores que fixeron posible todos estos obradoiros.

O caderno tamén vai tomar unhas vacacións, pero en principio non vai pechar. Simplemente non publicará coa asiduidade que o facía (...que tampouco era moita! ;)

Así que como esto é un punto e aparte, seguimos comentando sitios de interese coma a descuberta de Fabián, que ven dende arxentina e chámase: TamTam, seguro que vos divertides!

Até logo...

Bitácoras

Saltando dende Blogzine, chego a un interesante artigo de Eduteka, sobre os cadernos de bitácora.

...e aproveito para lembrar un caderno de bitácora pechado.

Software libre... para os máis pequenos

Empezou LinEx, xuntouselle Guadalinex e a agora seguen aparecendo novas distribucións de software libre (baseadas en GNU/Linux)

Para rapaces xa circulan varias pola rede, moitas en inglés, en castelán como Pequelin ou a madrileña Max, tamén está a Valenciana Lliurex,...

Nós ainda non temos ningunha adaptada para rapaces, pero sí unha versión xeneralista gracias a AGNIX, e non será a única...

Máis bitácoras de mestres

O outro día falaba de dúas bitácoras contrapostas, de mestre e alumnos.

Hoxe amoso outro tipo de bitácora, máis próxima á natureza dun diario.

Mestre tites, son as andanzas dun mestre de secundaria e as súas aventuras nas aula.

Vida de profesor, son agora, as inquedanzas dun mestre retornado dende os Estados Unidos.

Por certo que en Octeto, falan dun interesante curso de verán, sobre novas tecnoloxías no aula en Menorca. (Sería a excusa perfecta non? ;)

Revistas...

en.red.ando, autodefínese como reflexión e análise sobre a vida na internet. Os martes sae a edición en galego, e ten bastantes artigos de interese. Entre eles sinalo os adicados á educación e internet Os contos de Ruela, A educación como territorio virtual, Encerados e ordenadores, ...