O caderno de Ciberlingua

Parece ser que a revolución está chegando a pasos de xigante. Primeiro a ameaza da Mesa, e agora os insitutos galegos, que terán "arranque" dual Windows-Linux (algo que xa estaba no plan Internet en la escuela de Red.es, que non da Xunta)

E digo eu, ¿quen vai ser o valente mestre que vai usar nas súas clases o Linux?

Pasa o de sempre, ¿ou é que primeiro véndense os coches, e logo móntanse as autoescolas?

Por certo, que Blogaliza resucitou, e precisa que lle botemos unha man!

Un nunca sabe, de onde sae a xente que visita a súa páxina. O Nedstat sorprendeume cunha visita dende Singapur!? Pois un saudo para @ visitante!

Tamén descubrín o traballo que anda a facer unha profe catalana, dentro das novas tecnoloxías. Mención especial ó seu portal Actilingua.

Aproveitei para darlle un lavado de cara ás ligazóns dos cadernos... segue sen haber blogs de mestres, alumnos, clases,... do noso pais!!! A ver se se anima alguén.

Francamente, hai moitos máis blogs que me interesan, dos que teño tempo para visitar. Sen embargo, a sindicación, permitiume, poder estar ao tanto das novidades, sen ter que ir visitando cada páxina. Agora, son poucos os cadernos, non sindicados os que visito. Por iso, pareceme interesante, que todo o mundo se entere de que pode gañar un tempo moi valioso, tanto para el coma para os demais. A mensaxe é o importante, e non o mensaxeiro.
Coa colaboración de Sequeirox, fixemos un artigo sobre a sindicación de contidos, na que non se pretende profundizar demasiado, senon máis ben, amosar a potencialidade da sindicación, e a necesidade da mesma. Agardo que sexa de interese e cambie a vosa mentalidade de cara ós weblogs.

Por outra banda, Content Delivery in the 'Blogosphere' é o título dun texto, en inglés (ó final vai ter razón Celso Currás!), que fala sobre os usos e aplicacións dos cadernos de bitácora na educación.

No último número do xornal Código Cero, hai dous artigos de grande interese para os mestres da nosa comunidade. Un sobre o novo portal educativo da xunta, do que xa falamos. E cunha entrevista a Celso Currás, na que se sinala a prioridade de que os rapaces dominen o inglés!?
E outra unha editorial do rector da Universitat Oberta de Catalunya, Gabriel Ferrat, na que sinala a necesidade de cambiar o xeito de educar, onde a aprendizaxe debe ser sustituida polo ensino.
Fusinando os dous artigos, cheguei á conclusión, de que os mestres deben reciclarse. Hoxe en día, as novas tecnoloxías, e en particular a rede internet, cambia o papel dos mestres. A información cada vez está máis ó alcance de todos, pero precisamos saber cómo chegar a ela, saber buscala, filtrala, adaptala e usala. O xeito tradicional de aprendizaxe, na que o mestre era o "centro do coñecemento" vai trocar, converténdose nun orientador, nun ensinante que permitirá que os seus alumnos atopen os recursos que precisen. O portal da xunta presentase como o nexo de unión de toda a comunidade educativa, na que mestres, alumnos e pais e nais, misturen, fusionen e complementen toda a información que precisen, pero só vai ser unha aportación máis, unha cuncha de ameixa na praia da lanzada.
Outra cousa, e se os mestres de hoxe en día, están ben formados e capacitados en novas tecnoloxías, e serán quen de readaptarse...

Ultimamente teño un coflicto moral, sobre os programas de código aberto e libre.
Por unha parte penso que o futuro pasa por eles, e está máis que demostrado o seu bo facer, entre outras cousas, porque non se precisa de ninguén para ter os programas na nosa lingua.
Por outra, non hai dúbida de que o cambio non só é de fondo, tamén é de forma, e precisa dun esforzo conxunto.
¿Ti que pensas?

Weblogs - Diário de Bordo é o título dunha nova aportación, en forma de libro, ó mundo dos weblogs. Escrito por Elisabete Barbosa e António Granado grandes coñecederes da potencialidade do xornalismo na internet.

Este é un caderno de bitácora que trata sobre os webquest.

Nel descubrín que ademáis de webquest e cazas de tesouros tamén hai viaxes virtuais

Seguro que hai moitas máis actividades que facer pola rede, non?

Noutra orde de cousas, tiña intención de explicar un pouco o que é a sindicación de contidos, que agora anda algo de moda, e que é moi útil.

O outro día atopei Digital Scribe, que me pareceu interesante. Unha ferramenta de balde, para compartir e mostrar os traballos dos rapaces na escola.

A ver que vos parece, e se sabedes de cousas semellantes, comentádemas.

Por certo, tanto o chat coma a historia interminábel de Ciberlingua, non son exclusividade desta páxina, así que se alguén pensa que pode ser interesante poñela na páxina da súa escola, pode preguntar.